နာဂစ်လဲ သစ်ပင်များ ထက် နှစ်ဆကျော် ပိုပြီး စိုက်မည် ကျွန်းပင်၊ ထန်းပင်၊ မန်ကျည်း၊ ကုက္ကို ကံ့ကော်၊ ခရေ၊ စိန်ပန်း စသည့်အပင် ငါးသိန်း ကျော် အသင့်

ရန်ကုန်တိုင်း အတွင်း၌ ၂၀၁၀ ပြည့်နှစ် မိုးရာသီ သစ်ပင် စိုက်ပျိုးပွဲတွင် အရိပ်ရပင်နှင့် ပန်းအလှပင်ငါးသိန်း ကျော် စိုက်ပျိုး သွားမည် ဖြစ်ကြောင်း ရန်ကုန် မြို့တော် စည်ပင် သာယာရေး ကော်မတီ ပန်းဥယျာဉ် နှင့် အားကစား ကွင်းများ ဌာနမှ သိရသည်။

ရန်ကုန်မြို့တော်ကြီး စိမ်းလန်း စိုပြည်ရေး နှင့်သန့်ရှင်း သာယာ လှပ ရေးအတွက် ၂၀၀၉ခုနှစ် မိုးရာသီ သစ်ပင် စိုက်ပျိုး ပွဲတွင်လည်း ကျွန်း ပင်၊ ထန်းပင်၊ ကျူးဘားပင်နှင့် အ ရိပ်ရ ပင်စုစုပေါင်း ၂,၂၄,၀၀၀ ကျော် စိုက်ပျိုး ခဲ့ကြောင်း သိရသည်။

မိဘမဲ့ ကလေးများ ပညာ သင်ကြားမှု အထောက် အပံ့ အလှူငွေ များ လိုအပ်နေ

မိဘမဲ့ ကလေး များနှင့် ဆင်းရဲ နွမ်းပါး ကလေး များအား တာဝန်ယူ စောင့်ရှောက် ကာ ပညာ သင်ကြား ပေးနိုင်ရန် အလှူငွေ များလိုအပ် လျက်ရှိကြောင်း သိရသည်။

ကွမ်းခြံကုန်း မြို့ စံပြ ရပ်ကွက် ရှိ ၀ိဇယမင်္ဂလာ ပရိယတ္တိစာသင် တိုက်တွင် မိဘမဲ့နှင့် ဆင်းရဲနွမ်းပါး ကလေးငယ် ၄၆ ဦးကို စောင့်ရှောက် ထားရှိပြီး၊ အတန်းပညာများသင် ကြား ပေးလျက် ရှိရာ ရေရှည် စောင့် ရှောက် နိုင်ရေးအတွက် အလှူရှင် လိုအပ်နေခြင်းဖြစ်ကြောင်း အဆို ပါစာသင်တိုက်မှ ပဓာနနာယက ဆရာတော် ဦးမာလာဝံသက မိန့် ကြားသည်။

လက်ရှိတွင် ယင်းကလေးများ ၏ နေရေး၊ စားရေးနှင့် ပညာသင် ကြားရေးအတွက် တရုတ်(တိုင်ပေ) ဖူးဟွေ့သီလရှင်အဖွဲ့က လာရောက် လှူဒါန်းထားသော န၀ကမ္မအလှူ ငွေကျပ် ၁၀ သိန်းကို ဆရာတော် အတွက် အသုံးပြုခြင်းမရှိဘဲ ကလေး များအား နေရေး၊ စားရေးအပြီးအ ငြိမ်းနှင့် အတန်းပညာ သင်ကြား ပေး ရန် မတည် အသုံးပြု ခဲ့ကြောင်း သိရ သည်။ ထိုသို့ ကလေးများအား လက်ခံ စောင့်ရှောက် ခဲ့ခြင်းမှာ ၂၀၀၉ ခုနှစ်က စတင်ခဲ့ခြင်းဖြစ် သည်။ နာဂစ် မုန်တိုင်း ဖြစ်ပေါ်စဉ်က စံပြရပ်ကွက်မှ လူပေါင်း ၁၀၇ ဦး သေဆုံး ခဲ့ရာ သူတို့ ကျန်ရှိခဲ့သော သားသမီး များနှင့် ဆင်းရဲ နွမ်းပါးသူ ကလေး များကို အုပ်ထိန်း သူများက လာရောက် အပ်နှံရာမှ အခြေပြုစ တင်ခဲ့ခြင်းဖြစ်သည်ဟု သိရသည်။

သီတဂူ ဧရာဝတီ အလှူမှ နာဂစ်ဒေသ များသို့ လှူဒါန်း ငွေပေါင်း နှစ်နှစ် အတွင်း ၈ ဒသမ ၈ဘီလျံ ရှိခဲ့

သီတဂူ ဆရာတော် ဦးဆောင် ၍ ဧရာ ၀တီ အလှူတော် ကို နာဂစ် ပြီးချိန်မှ စကာ လိုအပ်သည့် နေရာ ဒေသများတွင် လှူဒါန်း မှုများ ပြုလုပ်ခဲ့ရာ နှစ်နှစ်မြောက် အချိန်တွင် လှူဒါန်းပြီး ငွေ ပမာဏမှာ ၈ဒသမ၈ ဘီလျံ (ကျပ်သန်း ၈,၀၀၀) ရှိပြီဖြစ်သည်။

သီတဂူ သာသနာပြု အဖွဲ့သည် ဧရာဝ တီတိုင်း အတွင်းရှိ မုန်တိုင်းသင့် ဒေသများ တွင် ပညာရေး၊ ကျန်းမာရေးနှင့် သာသနာ ရေး လိုအပ်ချက်များကို တတ်အား သရွေ့ ဖြည့်ဆည်း ကူညီလှူဒါန်းခဲ့ရာ ၂၀၀၈ ခုနှစ်၊ ဇွန် ၆ရက်မှ ၂၀၁၀ပြည့်နှစ်၊ ဖေဖော်ဝါရီ လဆန်း ပိုင်းအထိ လှူဒါန်းပြီးငွေ ပေါင်းမှာ ၈ဒသမ၈ ဘီလျံ ရှိခဲ့ခြင်း ဖြစ်သည်။ ထိုသို့ လှူဒါန်း ရာတွင် ဆေးရုံပေါင်း ၁၂ ရုံသို့ ကျပ် သိန်း ပေါင်း ၅၀၀ ခန့် တန်ဖိုးရှိ ပစ္စည်းများ လှူဒါန်း ခဲ့ပြီး အခြေခံ ပညာ စာသင်ကျောင်း ပေါင်း ၂၇ကျောင်း အသစ် ဆောက်လုပ် လှူဒါန်း ခဲ့သည်။ ထို့ပြင် မုန်တိုင်း သင့်၍ ရွှေ ထီးတော် အသစ် တင်လှူခြင်းများ လည်း ပါ ၀င်သည်။

နာဂစ် ဒေသသို့ ဥစားဘဲများ ပေးပို့ ထောက်ပံ့မည်

နာဂစ် လေးဘေး သင့်ဒေသများ ဖြစ်သည့် လပွတ္တာ၊ ဖျာပုံ၊ ဘိုကလေး မြို့နယ် များရှိ တောင်သူ များသို့ နှစ်လသား အရွယ်ရှိ ဥစား ဘဲကောင်ရေ ၁၂,၇၅၀ ကို ထောက်ပံ့ လှူ ဒါန်း မည်ဖြစ်သည်။ အဆိုပါ ဒေသ များသုိ့ ဥစား ဘဲများ အပြင် ၀က်ကောင်ရေ ၁,၁၀၀ ကိုလည်း ပေးပို့ ထောက်ပံ့ မည်ဖြစ်သည်။ မွေး/ကု ဦးစီး ဌာနနှင့် FAO တို့၏ OSRO/MYA/401/JPN စီမံကိန်း အရ ယခုကဲ့သို့ ပေးပို့ ထောက်ပံ့ခြင်း ဖြစ်သည်။

ထို့အပြင် လာမည့် မိုးရာသီတွင် လယ် ယာ လုပ်ငန်းများ လုပ်ကိုင် နိုင်ရန် အတွက် ခိုင်းကျွဲ၊ နွားကောင် ရေ ၁၂၀ ကိုလည်း ဧပြီ ကုန်ပိုင်း တွင် ဘိုကလေးနှင့် လပွတ္တာ မြို့ နယ် များရှိ တောင်သူ များသို့ ထောက်ပံ့ခဲ့ သည်။ မိုးရာသီ လယ်ယာ လုပ်ငန်း သုံးရန် အတွက် ခိုင်းကျွဲ၊ နွား ၅၀၀ ကို အဆိုပါ ဒေသ များသို့ တင်ပို့ သွားမည် ဖြစ်သည်။

နာဂစ် မုန်တိုင်း ၂ နှစ်ပြည့် ကာလ တွေ့မြင် ရသော အပြောင်း အလဲများ

မေ ၂ရက် ဆိုလျှင် နာဂစ် မုန်တိုင်း အဖြစ်ဆိုး နှစ်နှစ် ပြည့်တော့မည်။ နာဂစ်မုန် တိုင်း နှစ်နှစ် ပြည့်တော့မည့် အကြိုကာလ သင်္ကြန်ရက် များအတွင်းက ရှပ်ပြေး ရေ ယာဉ်ဖြင့် ရန်ကုန်- မော်လမြိုင်ကျွန်း မြစ် ကြောင်း ခရီးသွား လာရင်း နာဂစ် မုန်တိုင်း ဒဏ် ခံခဲ့ကြရသည့် တွံတေး၊ ကွမ်းခြံကုန်း၊ ဖျာပုံ၊ ကျိုက်လတ်၊ ဘိုကလေး၊ မော်လမြိုင် ကျွန်းမြို့တို့ အပါအ၀င် မြစ်ချောင်းများ တစ်ဖက် တစ်ချက် ဆီမှ နေအိမ် အဆောက် အအုံများ၊ ရွာများ၊ လယ်ကွင်းများ၊ ဥယျာဉ် ခြံများ၊ ဒီရေတောများ၊ ဆန်စက်များ၊ ငါး ဖမ်း ပိုက်လှေများ၊ ခရီးသည် ပို့ဆောင်ရေး ရေယာဉ်များ၊ ဆန်စပါး၊ ၀ါးဓနိ၊ ဆား၊ စဥ့်အိုး၊ ငါးပိငါးခြောက်၊ သီးနှံ စသည့် ကုန် စည် ပို့ဆောင်ရေး ရေယာဉ်များ၊ လှေ၊ သမ္ဗန် လေး များကို ပုံမှန် အခြေအနေ အတိုင်း တွေ့မြင်ရ၍ ၀မ်းသာ မိသည်။

ရန်ကုန်တိုင်း အတွင်း ပြိုကျ ပျက်စီး အမြင်မတင့် စာသင်ကျောင်း ၁၀၈ ကျောင်း ကို ငွေကျပ် ဘီလျံ ၂၀ ကုန်ကျ ခံ တည်ဆောက်ပေး၊ စာသင်ခုံ ၇,၀၈၃ လုံးကို လည်း လှူဒါန်းခဲ့

စာသင်ကျောင်းဆောင် များကို steel structure ဖြင့် တည်ဆောက်ပြီး နှစ်ထပ်စာသင် ကျောင်းဆောင် များ နှင့် တစ်ထပ်စာ သင် ကျောင်းဆောင်များ ဖြစ်သည်။ ထို့အပြင် ရန်ကုန် မြို့တော်စည် ပင်သာယာရေး ကော်မတီသည် ကျောင်းသား၊ ကျောင်းသူများ စိတ် ချမ်းမြေ့စွာ စာသင်ကြား နိုင်ရန်အ တွက် နာဂစ် မုန်တိုင်း မတိုင်မီတွင် ရန် ကုန်တိုင်း အတွင်းရှိ စာသင်ကျောင်း များသို့ စာသင်ခုံ ၃,၇၂၈လုံးနှင့် နာ ဂစ် မုန်တိုင်း တိုက်ခတ်ပြီး နောက်ပိုင်း စာသင်ခုံ၃,၃၅၅ လုံး၊ စုစုပေါင်း ၇,၀၈၃ လုံးကို လည်းပြုလုပ် လှူဒါန်းခဲ့ကြောင်း အင်ဂျင်နီယာဌာန (အဆောက်အအုံ) ၏ စာရင်းများ အရ သိရသည်။

ကွမ်းခြံကုန်း မြို့နယ် ဘန့်ဘွေးကုန်း ကျေးရွာရှိ ဘုန်းတော်ကြီးကျောင်း ပြန်လည် ဆောက်လုပ်ရန် အလှူရှင် များအား ဖိတ်ခေါ်

ရန်ကုန်တိုင်း၊ ကွမ်းခြံကုန်း မြို့နယ်နှင့် ဧရာဝတီတိုင်း၊ ဒေးဒရဲမြို့ နယ် အကြား တိုးမြစ် အနီးရှိ ဘွန့်ဘွေးကုန်း ကျေးရွာတွင် နာဂစ် လေဘေး ကြောင့် ပြိုကျ ပျက်စီး ခဲ့ရသော သာသနနန္ဒိဒီပ ကျောင်းမှ အဆောက် အအုံ များအား ပြန်လည် ဆောက်လုပ် နိုင်ရန် အလှူရှင် များအား ဖိတ် ခေါ် ထားသည်။